2020年7月10日 星期五

Bostonian Seafood & Grill - 跌Watt


食物:$$$1/2
環境:$$$$
服務:$$$1/2

有些餐廳食肆,贏在起跑線上,譬如說座擁無敵靚海景,或者居高臨下氣勢磅礡等,輕易成為約會好地方。Bostonian Seafood & Grill,設在酒店的地庫內,沒有以上的優厚先天條件,但其時尚設計與工業風,倒是非常有情調,自從三年前到訪參與聖誕派對後,筆者已深深愛上這個地方。


半自助形式,放在外頭的選擇稱不上超豐富,質素當然唔差。幾款煙三文魚,既有原味,亦加上胡椒,甚至混入紅菜頭,各有特色,灑少許檸檬汁已好吃。芝士有軟有硬,重口味的朋友大可揀食藍芝士。莎樂美腸、巴馬火腿及風乾牛肉等素來是我的心水,但最好吃的要數到蛋餅,皆因混入了粒粒的Feta Cheese,吃起來香濃可口,好友更加要『安哥』一件。


海鮮拼盤有凍蝦、青口及翡翠螺三款,平時對翡翠螺毫無好感,今次呢個卻比預期中好,至少不是又韌又無味。


鬼佬煎魚的水準可以想像,做到皮脆肉嫩已經收貨,呢度勝在配個醒胃的汁醬,炎夏吃這個又幾適合。


牛柳入口軟嫩,但肉味自然也不會太濃郁,還好火侯拿捏得好,醮些少芥末作彌補吧!查實,頂頭的大堆芝士片及火箭菜,已是最受歡迎的配角。

加三十八個大洋可有蛋糕及咖啡,但想齋飲杯咖啡反而要散點,何解咁無彈性呢?

其實我好憎套餐無飲品跟的。


2 則留言:

  1. 講起黎,呢度鬼佬餐廳都多數唔包飲品,但飲咖啡就多數有無限添加,哈哈!

    回覆刪除
  2. 齋啡成本不是更低嗎正死蠢!

    回覆刪除