食物：$$$1/2
環境：$$$$
服務：$$$$
筆者雖然很喜愛飲咖啡，不過近期的咖啡小店也實在開得太快太多，令我有點吃不消，偶爾飲番杯真材實料的果汁，會更舒暢。
好運給我遇上了Juicy Fresh Juice Bar，呢個韓國大熱的果汁品牌終歸殺到來香港，還要在地點勁方便的香港站，Good Job！
除了果汁之外，店子其實仲有奶昔、茶飲，甚至咖啡供應，站在店前，選擇困難症好容易發作。
左思右想，我與朋友終於拿定了主意，可以去櫃面落柯打。
落單後，可透過玻璃觀看店員的製作過程...... 不一會，Yo！我的草莓拿鐵準備好了。
以沙冰、牛奶、忌廉以及新鮮士多啤梨打造而成的草莓拿鐵，賣相十分之吸睛，味道不過甜而帶出點點奶香，粒粒士多啤梨沒有太酸，整件事平衡得唔錯，不過會幾飽肚，飲完一杯滿足非常。
果汁有M和XL的份量之分，相中呢杯菠蘿橙汁正是加大碼之作。菠蘿與橙這組合當然是朋友，只要真材實料，肯定好喝。大熱天時來一杯酸酸甜甜的飲品，無以尚之的享受。
在螢幕中看見竟有熱果汁供應，心生好奇必要試一杯，就熱西柚汁吧。酸香之中滲出些微澀味，正正是西柚的獨特個性，蠻有趣的。或許大家都知道，西柚有助瘦身，而且熱飲素來是比較有益，呢款飲料，女士們要留意！
唔知係咪新張期優惠，凡買任何飲品，加十個大洋便可轉套餐，即有一隻熱狗俾你，唔係咁划算呀?! 我肯定會再來幫襯的。
過兩日要出中環，又可以來整番杯~
店鋪資料:
JUICY Fresh Juice Bar
中環港鐵香港站HOK42號舖
23320010
下次飲咩好呢？
回覆刪除