食物：$$$1/2
環境：$$$1/2
服務：$$$$
身為荃灣既街坊，間唔使都會幫襯在愉景新城的Cherry Tokyo Cafe，貪佢價錢合理，食物交到功課，杯咖啡都有水準。
疫情肆虐期間，忽然一天，這間走西日路線的店子烏燈黑火。之後幾次路過，店子仍未恢復營業，我想諗，唔通呢度又成為了武肺下的犧牲品?
等到頸都長，當我心入面已打定輸數，某天在其臉書專頁發現，店子已悄悄地重開。於是，急不及待去食番個Lunch～
午市套餐選擇唔算少，無論你吃什麼主菜，均會跟上一小碗的沙律，以及餐湯。新鮮的菜蔬撈埋日式胡麻醬，肯定穩陣，再混入粒粒我喜愛的粟米，又有分加。餐湯只得忌廉湯，無得揀，勝在裡頭有頗多蜆肉，好足料。
講左對方的軟殼蟹漢堡先，家陣啲漢堡包真係巨得唔知點可以一下子放入口，這出品勝在軟殼蟹夠香夠脆，還沾上日式芥末，清新可口。旁邊的大堆粗身薯條，好熱氣，實在太難令人忍口。
連續幾天吃了意粉，是日要轉轉口味，揀來日式咖喱廣島蠔飯。咖喱汁甜中滲出微辣，很好下飯。四隻廣島蠔，鬆脆而內裡肥美多汁，水準蠻好。
天時太熱，好想飲杯凍嘢，一杯凍的美式咖啡，成為了我的救星。
星期一至五午市免加一，連湯連沙律及飲品都係幾十蚊落樓，整件抹茶芝士蛋糕都只係加多十五個大洋，非常划算。
個burger好吸引呀，唔知何時至有得再食到軟殼蟹呢。。。
回覆刪除快架啦
刪除軟殼蟹漢堡好吸引明天去吃！
回覆刪除好食嗎?
刪除