葡式經典，木糠布甸

年紀大，已經再唔係十八、廿二，可以甜品當正餐，惟身上仍留著甜魔基因，飯後來點甜，總覺得圓滿一點。

近排多左留家食飯，之後亦費事再出街食糖水，寧願自己弄些容易搞的，雪凍佢，想幾時食就幾時食。

早前已做過好幾款中式糖水，我諗係時候搞搞新意思，玩下西式甜品，大前題當然都係方便快捷，低難度啦！

一於弄個葡式經典，木糠布甸吧~

這款甜食，也是筆者很喜歡的東西之一，許多時過大海，又或者吃葡菜時，都會點來一客，作個甜美終結。

材料不多，只是瑪利餅、淡忌廉，以及煉奶而已。

先做個木糠，說穿了就是將瑪利餅放入密實袋，起勢咁壓碎佢。Alternatively，你可以用攪拌機將餅乾打碎。

之後是忌廉個部份，我用了半盒 (約250ML)忌廉，加兩湯匙左右既煉奶，用打蛋器打到筆廷，備用。

將餅碎及已打好的忌廉梅花間竹咁加入容器內，雪佢三、四個鐘即可享用。

手殘既我表示，原來要整到靚靚又層次分明，並不是想像中般容易。