荃灣的Parkside@Nina，被喻為世界五十大最美的咖啡廳，身為荃灣人既筆者，當然早己去過朝聖。
集團再接再厲，同樣以Atelier E 設計團隊操刀，在銅鑼灣如心酒店開設Parkside@Nina 的2.0版本。
一收到消息，即時約埋朋友去食嘢打卡。
甫進店內，果然有幾分親切的感覺，馬蹄蓮造型燈飾倒置在天花之上，是其中一個最大亮點。同時，我喜歡佢既落地大玻璃，感覺好舒服。
來到咁Chill既地方，點都要叫番杯特色飲品，我杯Daydream Blue，同埋朋友那杯以蝶豆花帶出美美紫色的Magic Potion，都好夢幻。
先來份小食，煙三文魚迷你脆筒，幾精美的。一份有六小個的脆筒，配以煙三文魚、三文魚籽及忌廉芝士，呢個組合，肯定穩陣。
軟殼蟹香蒜辣椒意粉，喜歡意粉唔會過腍，軟殼蟹有點像避風塘的做法，幾惹味。
竟然在餐牌上看見海南雞飯，素來愛此味的筆者，又想一試。俾足半隻海南雞你，絕不欺場。三色醬之上，最愛配黑漆漆的甜醬汁，沾雞撈飯皆宜。仲有一樣我好中意，你旁邊的漬蘿蔔，爽脆醒胃。
選了兩款甜品，荔枝洛神花蛋白餅，份量比預期中要大，酸酸甜甜既甜品係最岩我的。
抹茶控就不要錯過呢度既抹茶提拉米蘇，抹茶忌廉的外層，內裡有著像杜拜朱古力的那些酥絲，這個組合我是首次見識。有趣！
實在是個太好Chill的地方，我同朋友傾到唔捨得走。
沒有留言:
張貼留言