又是食友不定期的聚會，人多總會遇到要等呢個收工、嗰個又要早走既問題，最佳方法就係食自助餐。
有人提議去六國酒店，原來我只在那兒嚐過午餐及下午茶，從沒試過夜晚去食Buffet，有興趣！
今期主題為美麗薈萃，主角有龍蝦、鮑魚及花膠等，聽起來幾吸引。
冰鎮海鮮不乏麵包蟹、龍蝦，以及海蝦、青口和蟹腳等，當中以爆羔的麵包蟹最為出色，席間有人吞下兩隻，大呼膽固醇萬歲。冷盤Cold Cut等選擇亦唔少，各式火腿煙三文魚等不在話下，沙律款式亦有驚喜，最愛是番茄、檻欖及布袋芝士串，又靚又好食。刺身都交到功課，絕不是淡而無味的貨色，其中以吞拿魚最合心水。中式的熱葷可說即這裡的強項，養顏的花膠及海螺片很受歡迎，香噴噴的釀蟹蓋好足料，炸蠔岩喜歡食香口嘢既筆者，菜膽雞勝在夠嫩滑，仲有邪惡的黃金蝦、蒜茸粉絲蒸扇貝，與及花雕五味骨，諸如此類，都是幾合口胃。西日式的美食包括龍蝦海鮮茶碗蒸、香煎檸檬盲鰽、烤焗牛油香草雞胸等...作為食肉獸既我，更有興趣是烤肉、鐵板及串燒項目，燒牛肉唔會過熟，鵝肝多士從來穩陣，串燒大蝦、菠蘿等，每樣來一點，有夠滿足。坊間很少地方做片皮鵝，的確鵝是比鴨更香更吸引，也算是這兒的賣點吧！同樣地，呢度都有齊中西湯供應，呷幾口湯，忽然聽到聆聲響起，是表演時間。首個表演項目，係堂弄原隻鮑魚鴨掌。即場既烹煮，不失火焰效果，視覺率先得到享受。味道其實也不俗，鴨掌軟嫩，但唔會溶溶爤爤咁，鮑魚雖不是很巨型，至少軟腍入味。用刀叉吃，滿有儀式感。各式芝士，有軟有硬，有平易近人的，亦有霸氣十足的藍芝士。有朋友之前來過，說這裡的窩夫是不可錯過的，所以我也聽話有留肚吃。師傅即叫即製，質感外脆內軟，果然好吃，自行加盒雪糕，做出冷熱交融效果，更加正。接著是餘下兩項表演，分別係火焰雪山，與及蜜桃梅爾芭。餐廳會暫時關掉部份燈光，俾大家欣賞到火焰表演，接下來大家就可以分到層次分明又美味的甜品。再吃幾款蛋糕、檸檬撻及果冰等，又是要飽到捧著肚子回家的晚上。餐廳資料:
Le Menu
灣仔告士打道72號六國酒店1樓
28663808
沒有留言:
張貼留言