2020年6月25日 星期四

娘惹嫁到 - 十個讚!


食物:$$$$
環境:$$$1/2
服務:$$$$

呢間娘惹嫁到,我由西環時代已開始幫襯,一試愛上。反而,佢搬左來荃灣之後,我只嚐過兩次,皆因海濱花園實在是個太吊腳的地方。

忽然一天,筆者肉骨茶癮起,唔想排長龍去吃水準不穩的蘇媽蘇媽,所以便的起心肝再度前來。

猶幸我呢間心水店,也是良心食店。


熱到hihi的日子,第一件事先點杯飲品,見是日的洛神花金桔在做特價,就不作他選。

夠冰凍,不太甜,帶點酸的味道正對我口胃,好想再 『安哥』一杯。


來碗喇沙,同埋肉骨茶,兩人分甘同味。馬來西亞深海魚蛋喇沙,濃郁而帶微辣的湯頭,跟我第一次在西環吃時一模一樣,完全沒有走樣。油麵結合米粉的蔘蔘,呢個傳統食法我Buy。主角的深海魚蛋,係白魚蛋,口感彈牙味鮮,好吃。當然,索味的豆卜,也是絕對不能放過。


呷一口肉骨茶,湯頭溫度足,味香濃醇厚,一流級數,我肯定懂得叫碗白飯來伴之。除了兩件鬆化的一字骨外,更附有隻肉嫩既雞鎚,盞鬼。如果可以有幾粒油炸鬼,會仲美滿。我叫呢份係細的,但份量已不少,無考究大Size會是怎樣。


咸食保持水準,那便可以放心點選甜品,班蘭香蕉蛋糕是我們的選擇。一心以為是凍食/室溫,所以見蛋糕遲遲未送來,心存疑問。原來,是熱食的產品,質感略帶煙韌,陣陣天然班蘭香,超欣賞。

樣樣都好,冷氣不足最唔好...


餐廳資料:
娘惹嫁到

4 則留言: