新店速遞：十常八九 - 人生

食物：$$$$
環境：$$$$
服務：$$$$

真係大鄉里！我從來唔知道，原來家陣去Cafe食件蛋糕飲杯咖啡，係要Book枱的。

說的是深水埗既新熱店，十常八九。

好友發短訊給我，話已經訂了幾時幾時，我才恍然大悟，好在朋友夠貼心。

以白色及木系為主調的咖啡室，簡約舒適。店鋪由三個人打理，沒有咸食，只得數款甜點，以及飲品供應。

點了兩份甜點，十常吐司是其中之一。不是炸至香脆的版本，而是看得到的鬆軟既出品。很軟熟既質感，入口充滿蛋香，有少許似在吃玉子燒。佐以牛油、忌廉，以及楓糖漿，甜蜜美滿。旁邊的各式生果如士多啤梨、無花果及藍菸等，正好發揮中和作用，感覺也沒那麼多罪惡感。

另一款的焦糖布甸，以精緻的玻璃器皿盛著，份外優雅。美美的賣相，震騰騰的質感，肯定吸引，難怪成為店家的招牌甜品。細滑的口感，濃郁之蛋香，再沾上香甜既焦糖漿，個人十分喜歡，更加有衝動『安哥』一客。

大汗疊細汗，再喝熱飲真係唔掂，要杯Dirty就好。冰凍奶底加埋好既咖啡，喝下去涼快舒暢，可惜香港不多地方有此品供應，試過有些咖啡廳的店員甚至不知道Dirty是什麼，OMG！

眼見許多Walk in 客被拒諸門外，記緊緊，呢度係要訂位架！

餐廳資料:

十常八九

深水埗黃竹街2號地舖