食物：$$$
環境：$$$$
服務：$$$1/2
每月辣局又再無限期押後，辣癮起既話，唯有私第下約朋友去刺激下。
名廚Ricky近年似乎撈得幾掂，The Food Story的版圖愈來愈大 (當然好些是策略性合作關係)，最新力作係雅蘭中心既川菜館祥仔辣辣，且看呢個西廚打理的中菜效果如何！
兩條友，費事傷腦筋，點個二人套餐就好。涼菜有兩款，分別是惹火山木耳，以及川味口水雞，以冷盤而言，份量唔算細。爽脆的木耳有點辣度，若可多些醋香會更理想。後者的辣勁也不弱，雞肉至少亦唔會粗嚡。
點心同樣有兩味，噴火小籠包皮薄，賣相幾靚仔，湯汁豐盈，雖不致辣到噴火，但刺激感倒是有的。另一款的香芹豬肉餃，大概不是正宗川點吧，但餃子飽滿，連同蒜蓉一起吃，有點家常的味道。
主菜可以揀水煮牛肉，或者祥仔招牌酸菜魚，咁我梗係要佢既招牌菜色吧！酸菜魚的辣勁總不像水煮般強，但酸酸辣辣倒是開胃。用上的是桂花魚，這魚本身就是嫩滑，這炎炎夏天品嚐此品，是吃得舒服的。
套餐會跟個菜，係乾煸四季豆，喜歡佢煸得夠香口夠乾身，連同肉碎放入口，惹味。
嚐了多款辣菜，以黃金南瓜露來中和一下，是恰妥的安排。
餐廳資料:
祥仔辣辣
乾煸四季豆我愛呀，話時話，都好耐無食過。
回覆刪除我都幾中意食呢味~
刪除乾煸四季豆精彩
回覆刪除同意
刪除