2020年5月6日 星期三

Cafe on the Park - 暫變放題



食物:$$$1/2
環境:$$$$
服務:$$$$

非常時期,許多酒店自助餐,已經變成放題形式,大家劃紙仔,美味菜色送上枱,減低中招風險。

係屋企吽左咁耐,真心想出來鬆一鬆,呢種放題形式我想也夠安全,可以放心來。

凍海鮮、刺身、湯水會每人一份咁拿給客人,唔夠可以再追加。先講凍海鮮,龍蝦、蟹腳、凍蝦及青口擺得靚靚仔仔,引人食慾。可能太耐無食自助餐,感覺蠻好,尤其是龍蝦鉗,相當鮮甜。
       


刺身都好有睇頭,牡丹蝦鮮甜爽身,除了我討厭的北寄貝外 (個人問題,唔關酒店事),統統都唔放錯。


哈密瓜與風乾火腿,本身就是絕配,亦是我大愛的冷盤之一,多吃兩件無妨。


熱食選擇唔少,中式西式甚至日式也不缺。點心的蝦餃與燒賣,比起以前自助餐的水準,有過之而無不及,我甚至『安哥』了兩粒燒賣。湯水清潤,畢竟呢度既燉湯一向有保証。另外,也不乏矜貴的食材,如花膠頭抽炒珍菌,女士們肯定歡喜。


西式熱盤多的是,烤羊架鬆化,同時滿載羶香,或許不是人人接受到,但我可以。辣酒煮翡翠螺,即使不能吃辣的朋友也要邊叫辣邊去食。


日式食品方面,手卷及壽司等基本嘢當然有供應,一直欣賞這兒的軟殼蟹手卷。此外,鵝肝燒飯糰又是必食,再飽也不可錯過。烤菠蘿的香甜醒胃,在飽到上心口的情況下,發揮正面作用。


最有驚喜,是沙嗲軒的食品也可在此嚐到。黃金脆魚皮是令人停不了口的邪惡之物,星洲蘿蔔糕香口又惹味,加幾串沙嗲串燒,在飛不到星馬的日子中,算是很大的慰藉了。


整多碗胡椒味重的星洲風情肉骨茶,便跳到甜品環節。


各式蛋糕甜點放在餅櫃之中,手指指一下,店員便用拿給你。無可否認,選擇是比以前少了,但質素沒有下降,芝士蛋糕及香芒蛋糕我都愛,葡撻有朋友更加要Encore


最後來一件窩夫,配Movenpick雪糕,肚皮太滿足。

或者真係好耐無出外吃飯,今次吃得比過往都要多。

服務很好,大家也笑說,其實是看得到店員口罩下的笑容。或者在這艱難日子,大家真係要笑多D~

餐廳資料:
Cafe on the park

4 則留言: