簡易甜食，腐竹雞蛋糖水

忽然間，想吃些甜食，倒不如自己動手做? 反正中式糖水，有些也不是太過複雜。

原本想食楊枝甘露，上網搵搵食譜，都要幾多準備功夫，並非我這懶人的Style，留待下次去酒家飲茶才吃吧~

最簡易的，我想起腐竹雞蛋糖水，毫無技術可言，但又好食。

       

材料：腐竹、雞蛋、冰糖

先將雞蛋煮熟，然後去殼備用。

與此同時，把腐竹浸軟，印乾水份，備用。

開一煲水 (唔好問我幾大煲，隨量！)，將腐竹放入去煮滾。有些人會煲軟腐竹便算，有的則喜歡煮至溶爛為止，我個人會prefer後者，質感似豆漿咁最好。所以，我會先將大半份放入去煮到爛，之後才把剩餘的加入去，這樣可以保持有點咬口，影相亦靚啲。

後加的腐竹也煮軟，便可加冰糖。待冰糖煮溶後，放埋雞蛋，煮一會自即可。

腐竹雞蛋糖水根本就是相當清潤，放入雪櫃雪凍食，其實仲正！

小秘訣：

• 不要用三邊腐竹來煲糖水，因為很難煲爛
• 喜歡的話，可加入白果、薏米，甚至鮮百合。但筆者家徒四璧，乜都無...