2020年5月8日 星期五

自製邪惡Bikini~



世界真係變了,依家我同朋友傾計既話題,竟然唔係金融股票,亦不是企業管理,而係煮食?!

無辦法啦,家陣大家不是放假就係WFH,在家自煮成為了主要既活動。早前,就同朋友探討緊整咩早餐好。

忽發奇想,來一個簡單易做,但邪惡爆燈的美味早餐也好!
        


說的就是Bikini~~

材料非常之簡單,麵包、芝士、松露醬,以及巴馬火腿,係咁多。


弄這味,有些人喜歡以牛油起鑊,但我覺得無需要,一滴油也不用下,直接將塗好黑松露醬及芝士的麵包放左Pan上烘即可。

我會烘到咁上下才將火腿加入去。


烘至包身金黃香脆,芝士半溶,夾起,再切成長條狀,邪惡但超美味的Bikini Sandwich便大功告成。

小秘訣:
  • Pan烘會比多士爐香脆十倍
  • 有些芝士很難溶化,甚至會愈煮愈硬。若製作Bikini的話,馬蘇里拉芝士是個不錯的選擇

4 則留言: