偽Tasting Menu

歡迎來到Fabrice 偽 Tasting Kitchen！以下係我為大家準備既Tasting Menu，哈哈哈~

我嘛，又懶又鈍，梗係整啲唔需要技術又快趣既東西啦，我唔會咁有耐性走去搓包、整千層蛋糕的。

頭盤以雞蛋為主角，是簡單得小朋友也可幫手弄的惡魔蛋Deviled Eggs。配丁點松露醬及迷迭香作點綴，都似模似樣啦！

第二道菜係香煎鵝肝多士，很厚身的鵝肝，真係只放少許鹽及胡椒，兩邊輕輕煎佢大半分鐘，再伴上香脆多士，已經好好食。

主食是香煎北海道帶子伴露筍及溏心蛋。由於帶子是靚貨，輕輕煎至兩邊金黃、灑幾粒鹽便可，煎幼身既青露筍亦無咩技巧可言。加隻自製溏心蛋，感覺上吸引好多。

單一個牛油果作甜點好像寡左少少，用半個做成牛油果奶昔，一果兩食，更有吸引力。奶昔我加入左蜜糖，出來效果不錯。話時話，澳洲牛油果身型實在太巨大。

飲多杯香噴噴既咖啡，就真係一流享受。

呢個Menu，賣$28.8好嗎??