阿夫利拉麵 - 清爽系

食物：$$$1/2

環境：$$$$

服務：$$$$

拉麵風潮沒完沒了，一間又一間日式拉麵店排住隊咁來港插旗，豚骨湯雞湯蝦湯以至麻辣風味，名字多得記不清，香港的拉麵控從來不愁寂寞。

其中一個新勢力，是以柚子拉麵為主打的東京過江猛龍，Afuri。

晚上近九點，同朋友上去搏一搏，睇下使唔使排長龍，結果我們有食神眷顧，即刻有位。

        

跟許多日本拉麵店一樣，在門口的自助販賣機購票，之後返埋位慢慢等食。

三人行，柯打了三碗拉麵和一份餃子。拉麵分別係豬骨濃湯、柚子醬油，以及招牌的柚子鹽味湯底。每款均會配上一片叉燒，同埋半隻溏心蛋。

每款湯底也試了，豬骨湯是濃郁，但始終不是其首本名曲，未有太大驚喜。柚子醬油味道還好，感覺上是油了一點。最出色的，毫無疑問是招牌既柚子鹽味拉麵，味道鮮美，且帶陣陣柚子的清新氣息，不錯吃。

叉燒據悉是用上西班牙的栗飼豚，偏厚身的，不過肥瘦有致，而且經火灸過，咬落鬆化又甘香，溏心蛋做到應有的溏心效果，蛋香味濃，滿意。自家製的幼身麵條理應合我心水，可是吃起來卻是太過軟腍。

餃子有煎或炸可揀，商議過後，決定要香煎的。冰花底的賣相，討我歡心，可惜吃時有欠香脆。據聞是加入了清酒來製作餡料，的確是有少許酒味，但同時附上了點點澀味，絕對不是我杯茶。

在我心目中，只有清爽系的柚子鹽味是合格，但亦稱唔上非吃不可的級數。

杯麵會否好一些？

餐廳資料:
阿夫利拉麵
尖沙咀彌敦道100號THE ONE2樓 i.t orange forest
28152177