食物:$$$$
環境:$$$$
服務:$$$$
在沙田辦完事,見商場人流唔多,不如走上七樓,睇睇間新開業的過江拉麵店,使唔使排大隊?
或許時間尚早,又或者市道不佳,我一個人不單可以直行直入,仲可以揀位坐,實在是意料不及。
店員奉上的水,不是冰水,對一些要求嚴格的達人而言,好可能已被判死罪,不過我就無咁極端。
點了碗生薑醬油拉麵,是清雞湯底,配上店家秘製的醬油,入口不是很濃郁,反而帶著清鮮的味道,再加入薑茸,是有趣的。麵條屬努身的一款,勝在來得爽口,只嫌份量較小,細食如我也未夠飽。
再講,兩片薄薄的雞叉燒掛在碗邊,另有一件雞胸肉浸在湯內。先吃件雞胸肉,質感沒很粗嚡,叉燒自然更軟滑可口。
由於拉麵對辦,我又忍不住點來一客煎餃子。看色水是對勁的,大口咬下,肉汁充盈,而且滿載蒜香,頗美味的,若然底部能煎得更脆口,仲好。店方會伴一小撮辣蘿蔔茸,醮一點來吃,味道更佳。
近期似乎幾有食神,呢間同埋麵屋武一,都合我心意。
餐廳資料:
我武者羅
沙田正街18-19號新城市廣場一期7樓703A號舖
28712628
聖誕快樂!!
回覆刪除店名咁得意嘅,而其實我依然最想食沾麵。:)
沾麵控聖誕快樂, 哈哈~
刪除碗麵又真係細咗D喎!
回覆刪除係啦, 連我都唔夠食~
刪除