食物：$$$$
環境：$$$$
服務：$$$$
終於有點涼意，正想話去打番餐靚邊邊之際，就收到朋友既短訊，約大家去食火鍋，未免來得太合時了吧!
當然馬上答應，至於幫襯那一家店，筆者忽然想起在To
eat list已久的寬巷子。
在臉書見食友po過這店的食物照片，火鍋配料精緻到不得了，睇見都垂涎三尺嗰隻，因而對此店有點期望。
好幸運，可以安排到靠窗的位置，邊烚邊欣賞美麗既維港，香港其實真的很美~
先選鍋底，一於來個鴛鴦鍋吧！佢有好美的名字，辣嗰個叫紅泥小染，夠香又有層次，豬骨湯底則叫東方美人，淥菜蔬食一流。
話知食台式還是潮汕式火鍋，無牛肉食就勢係假，是晚就來兩份牛。澳洲和牛砌得靚，質感柔軟。其貌不揚的溫體牛，來得更有肉香，各有優點。
玫瑰松板真是砌得靚，是花時間考刀功之作，加上豬頸肉那粉嫩的顏色，非常吸引。肉質爽脆而不韌，吃掉『整朵花』沒有難度。
外形像牛軋糖的東西，查實是花枝，再配上墨汁。口感彈牙，有創意。另一款以菠菜包裹著豆皮的波波糖，煙煙韌韌，又十分吸味，正！
看似是枝仔冰
(雪條)的火鍋配料，同樣是花枝為主角，再與豬頸肉及蝦肉混合而成，外層的水晶皮煙韌，重點是在鍋內煮過後也不會變形。
杏香野菊，顧名思義就是菊花般的外貌。是真的用人手將杏片逐片逐片的插成菊花的樣子，再以火槍輕輕的將外邊燒焦，令賣相更具立體感，真的捨不得吞進肚裡去。
食埋蛋餃以及雲吞，滿足。
什菜籃像盆栽擺設般，漂亮之餘，份量也是非常多。食左咁多肉類，多吃些蔬菜平衡下，感覺健康點。
餐廳資料:
寬巷子
琴日開始涼左好多，打邊爐正呀！
回覆刪除講起又想再打
刪除將肉砌成花，原來可以咁靚，一啲都唔覺俗氣。：)
回覆刪除真係好多手工生料！
回覆刪除就係啦
刪除