食物：$$$1/2
環境：$$$$
服務：$$$1/2
市道唔好，食邊有些朋友食乜買乜都要諗過度過，大概是心理影響多。
唔緊要，平有平食，今次介紹下便宜的自助餐，十五日前訂座，二百六十八(已包加一)。對，是自助晚餐。
仲有，主題係香港人很喜愛的，蟹！
由冷盤講起，款式唔少，見番好耐無遇到的那種什果沙律，而且是混入了龍蝦肉，好。另外的胡絲醬雞絲沙律，也是我喜歡的。
凍海鮮亦徹合主題，基本的青口、凍蝦和小龍蝦外，亦有蟹腳，同埋麵包蟹。麵包蟹很爆羔，邪惡無比。另見呢度有粥供應，將蟹羔配粥吃，精明。
熱葷固然不乏海鮮和蟹的蹤影，如馬來咖喱海鮮夠入味，仲有重口味的蟹肉意大利飯，香口既蟹肉煎蛋餅，蟹肉節瓜圃等，咁既價錢，交足功課了吧！
北海道長腳蟹鍋，其實除了蟹腳外，早排鬧得滿城風雨既獅子狗和龍蝦丸也不是茄喱菲。
中式點心只得一款，係傳統既蝦餃。估佢唔到形狀又幾靚仔，澄麵皮不黏牙，餡料豐滿，以自助餐水準去計，很好了。
日式食品相對也比較多，壽司刺身這基本嘢不在話下，更有和風牛肉豆腐鍋物供應。
愛熱氣嘢既我哋，再飽也要淺嚐香脆的日式芝麻雞翼，以及吉列炸蠔。
甜品項目方面，蛋糕類佔了大部份，如日式芝士蛋糕、芒果拿破崙等，另外還有焦糖燉蛋、啤梨慕絲配焦糖薄脆和藍莓忌廉乳酪配蜂巢脆餅，其中後者的味道蠻不錯。
不過，作為榴槤迷既筆者，還是對濃郁的榴槤撻情有獨鍾。
餐廳資料:
協奏坊西餐廳
$268真係好抵，分分鐘平過下午茶自助餐呀！
回覆刪除真係平過好多Tea buffet，BTW 好想食榴槤撻呀
回覆刪除榴槤撻太正喇哈哈哈......
回覆刪除