Pierside - 慶祝慶祝

食物：$$$1/2

環境：$$$$

服務：$$$$

一個月內去兩次同一間中高級餐廳，以我既性格，實屬罕見。

上次前來，是老友請我食生日飯，今云則與另外幾位朋友慶生，怎麼這裡忽然成為了慶祝熱點呢？

事隔只是三、兩個禮拜，已有些東西不同了，如酒店大堂現正翻新，西餐廳Pierside剛推出了超值套餐。

有幾抵食？三道菜$398，四道菜也只是$428，當中已包含不少海鮮項目，划算嗎？

     

頭盤可選蟹肉沙律，或者帶子三重奏，早兩星期才嚐過蟹肉沙律，這次便要後者。由鮮帶子他他配三文魚籽開始，一個字：鮮。煙肉帶子輕輕煎過，火侯拿捏得宜，伴以醒胃之柑橘油醋汁，是另一番風味。第三食則是以蘋果木煙燻，燻香之餘，廚子亦以黑魚籽作點綴，層次更豐富。

餐湯只我一款，無得揀，無機會成本。龍蝦湯，味道十分濃郁，中間的『浮台』，係煎香了的蟹餅，如斯重口味的東西，肯定合我心水。

主菜方面，有朋友吃紙包海鮮米型麵，當待者剪開個密封的『保鮮袋』，香氣立即溢出，海鮮有齊帶子、青口、蝦、蜆以及魚等，足料非常。又試了另一位朋友的鱈魚柳，好厚身，魚皮煎至脆口，鱈魚肉嫩也是理所當然。

我就加六十大洋，要Dry Aged西冷拼大虎蝦。虎蝦個子固然龐大，蝦頭有唔少羔。西冷要求Medium Rare的生熟程度，但我覺得可以再生一點，嫩紅的夾心既岩我。

甜品是頗巨的梳乎厘，質感鬆軟，還伴以味道很不錯的薑味雪糕，只是份量太大，加上仲有生日蛋糕，才未能完成。

飽到上心口，無辦法唔飲杯熱檸檬茶，消消滯~

餐廳資料:
Pierside
尖沙咀廣東道33號中港城皇家太平洋酒店海景翼大堂高座
27382398