2019年6月4日 星期二

水佬榮 - 海鮮航母



食物:$$$1/2
環境:$$$1/2
服務:$$$1/2

三十度氣溫去打邊邊,熱底朋友話會吃不消,不過我想講,大部份香港人早己習慣一年四季吃火鍋,如我,這個星期便去「滾」了兩遍。

其中一次,到訪佐敦的水佬榮,全場爆滿,包括廳房。

五人前來,為的是傳說中既海鮮航空母艦,係Fb睇朋友既相已覺得幾吸引。
        

點了餐,來到打邊爐的指定動作,混醬!


豉油、生蒜,是我的選,簡單不過。愛辣的朋友,不妨試試其海南辣椒醬,據聞不俗,而且在坊間火鍋店較為罕見。


巨型的航空母艦送上,海蝦、扇貝、鮑魚、花蟹、青口等八款海鮮以及土款蔬菜很豐,其盛器也真是一艘航母,還印上了店子的名字,專門訂造的。

大家影完相,店員便將湯注入鍋內。由於席上有朋友吃不了辣,我們選上了蕃茄湯。


蓋上航空母艦蓋,耐心等候約十五分鐘...


湯底滾起,可以起動!由海蝦開始,新鮮爽彈。蟶子不會韌等似吃橡皮膠。用上花蟹,更令我意想不到。各式菜蔬索了海鮮及湯底的精華,絕不是配角,唔可以錯過。粟米也是超級甜美。



除了這艘航母,套餐可再額外揀選五款配料,好划算。牛魔王上身既我們,滑牛、安格斯牛、牛肉粒,以致牛丸都要齊,是夜像與牛有仇。各款牛都幾好,尤以安格斯最討我歡心,看其雪花分佈,大定或許已明白一二。


牛肉以外,響聆大概是火鍋的必備配料。輕輕拖三秒,微脆而又吸湯既味道,誰會不愛?


套餐仲跟上出前一丁,打邊邊認真一流,如果是辣湯底,更滋味。


吃火鍋,可樂是少不了,枝裝固然仲好。

高朋滿座,是有原因的。

餐廳資料:
水佬榮
佐敦佐敦道37C-37D號佐敦中心3-4樓
23278282

3 則留言: