花月庭 - 紫

食物：$$$1/2

環境：$$$1/2

服務：$$$1/2

有一段時間沒有到光顧花月庭了，這夜跟食友慶祝生日，為遷就大家，地點選在最方便的帝京酒店吃自助餐。

人多，而且有人又會遲收工，自助餐的確是最恰當之選，可以食住等。

    

這裡嘢食選擇真不少，今期更加有很多海鮮，各位海鮮迷要留意！先講凍海鮮，長期供應的項目。凍蝦、蟹腳、青口等基本嘢有齊，最搶手固然是即開生蠔，不過今時今日年紀大，一隻已兩隻止。

凡惠顧今期主題的，會每人奉上一籠籠仔海上鮮，又帶子又花膠又鮑魚又龍蝦鉗咁，巧矜貴，只想Encore一籠。

熱葷方面，最推薦的是香煎羊架，火便控制得宜，沒有過韌，保留點點羊羶味，我喜歡。佢仲有兜紫薯茸，味道有點不一樣，原來是混入了乳酪，又幾好食喎！

以往的粉麵，今期轉成海鮮部隊鍋，大堆頭好足料，拿一大兜回去跟大家分甘同味，開心。

叮叮叮叮...表演項目係火焰蝦多士，堂弄又玩火的東西，在手機食先既年代，師傅頓時變成最受歡迎男主角。脆口的多士，與充滿蒜香的蝦肉，可口。

不過，做咩主題都好，每次來到也必吃的，還有海南雞飯。油飯夠香，雞肉很嫩，我習慣只沾甜甜的黑醬油，清掉一小碗，份量剛剛好。

甜品固然有不少選擇，配合以紫色為主調的甜品，包括巨峰提子水信玄餅、什莓紫羅蘭無花果撻等，愛紫色的朋友大概會發狂。

為壽星仔準備生日蛋糕是必然的事吧！早點跟酒店溝通好便是。這個沖繩紅芋忌廉蛋糕，其實在外面buffet枱都有得攞。中看也中吃，祝兩位主角事事如意～

餐廳資料:
花月庭
旺角太子道西193號帝京酒店2樓
26226154