Urban Cafe Commune - 由最後午餐變成茶餐

食物：$$$1/2

環境：$$$1/2

服務：$$$1/2

三年前的年末，筆者與車媽媽兩件廢老，去左間著名壽司店，嚐過頗合意的『最後午餐』，輕輕鬆鬆又一年。當時話，如果有機會，翌年再一齊食。

之後一年，我快活地去了檳城誇年。去年，碰巧是禮拜天，又成不了事，最後午餐連續斷纜。

來到今年，lunch是吃不了，來個最後下午茶又如何？

    

因為要遷就地方、時間，而且下午茶選擇亦沒那麼多，又唔想去酒店，最終只去了Urban Cafe Commune。無所謂啦！旨在聚聚！

   

原來，是日並無Tea Set，不過佢既All Day Menu，另加十八個大洋便可有多件蛋糕，那就主菜配蛋糕，再額外點杯嘢飲，兩人分甘同味。

一年的最後一天，大概是懷緬的日子，因此特別選上了炸魚薯條，回味下好多年前在英國生活的時光。

金黃的Cod fish，粗身的薯條，模樣是有幾分相似。在當地吃炸魚薯條，雖都有人會下Mayo，但我更喜歡跟鹽醋。這裡的，配著混入了欖檻的蛋黃醬，又奉上小兜茄醬讓客人伴薯條。其實也沒所謂，有人受就得。再者，味道也算係咁。

蛋糕就在餅櫃內任選。車媽媽固然會揀佢深愛的紫色吧！叫字叫The Good Guy的雜莓蛋糕。

蛋糕質感軟熟，各種莓帶出清新感覺，加十八蚊可以收貨了。

再歎杯近期喜愛的伯爵茶，聊到天南地北，新一年又會是怎樣的局面？

Any肥，2019再齊齊捐窿捐罅食好西!

餐廳資料:

Urban Cafe Commune

旺角太子道西193號新世紀廣場1樓121及181號舖

23465828