2019年1月9日 星期三

娘惹嫁到 - 本地數一數二的喇沙



食物:$$$$
環境:$$$1/2
服務:$$$1/2

認識我既朋友都知道,筆者對馬來食品情有獨鍾,喇沙當然是其中之一。

成世人食過最岩口胃既喇沙,肯肯定係檳城的亞依淡巴剎喇沙。那層次複雜的湯底,酸辣咸鮮的味蕾衝擊,是難以言喻的美味。

記得老友食完碗大的,又明知之後仲有一場,仍然忍唔住再Encore多碗,水準可見一斑。

你估我唔想咩?!只係食力實在太有限而已。
   


說回香港,要數出色的喇沙,寥寥無幾。兩年前嚐過西環的微店,娘惹喇沙,大概是我最欣賞的出品。只是,無耐店子便已結業。

近日,得知這間我最喜愛的微店在荃灣重開,而且由微店進化成小店,實在教人興奮,急不及待去會一會佢。


呢度既喇沙,總有不少配料選擇,鮮蝦、牛尾、雞肉、蘇東 (即魷魚)等等,這次我點上了深海魚蛋羊角豆喇沙。

呷啖湯,不很辣,但十分香濃,保持一貫水準。麵條係油麵加米粉的摻摻。擔大旗的白魚蛋,彈牙又味鮮,豆卜盡索湯底之精華。有些人怕羊角豆的質感,我倒是沒有問題,多吃幾條也無妨。


再多份咖央多,成品有少許似飛碟多士,邊位微微帶脆,香甜可口。


飲杯香茅雪梨特飲,滋潤一下。

此店,相信會成為我的另一個飯堂~


餐廳資料:
娘惹嫁到
荃灣怡樂街1-5號海濱花園第22座海裕閣地下108號舖
55430417

5 則留言:

  1. 喇沙我都勁like,仲有埋脹卜卜咖央多,好正呀!

    回覆刪除
    回覆
    1. x2,仲有可以重開真係好難得,不過海濱真係有D遠呀!希望佢撐到~

      刪除
    2. 佢幾有心做, 我都希望佢做得住...

      刪除