潮流服飾篇：Fat唇既嘢...

圖片來源：HK01

近期諸事不順，總覺自己已與社會脫節，再上網睇過這些照片，原來依家係興緊呢啲嘢。我可以肯定，我要被社會淘汰了。

今期流行......

Fat唇既嘢......

欣賞下體操王子李寧，在巴黎時裝展的展品，純潔的白恤衫，配上型格的黑色線條，心口仲印上中國李寧四個大字，出類拔萃之作。

呢件衫，與初哥哥那『祝君好』的白毛巾，簡直是天作之合。

   

圖片來源：HK01

掛在胸前的背包，同樣是有中國李寧的字樣，盡顯霸氣。呢款包包好似仲有藍色，可惜沒有紫色，否則我會送一個俾紫色控朋友作生日禮物。

圖片來源：世界日報

可能有玻璃心人士咒罵過體操王子政治不正確，佢係之後的紐約時裝展， 『中國李寧』換成了簡體字。

據聞一場Fashion Show，大寫漢字加復古既設計，令李寧公司的市值升了約27億港元。睇到呢度，你有無覺得毫無寸進既你，被人淘汰係應該的嗎？

圖片來源：HK01

其實，李寧並非獨步天下，漢字設計也大在人在。Adidas x Pharrell Williams就在波鞋上印有熱情既字樣。做事一向欠缺熱情既我，係時候要買番對，唔知售價係幾多呢？一陣出旺角波鞋街睇睇。

圖片來源: itw01

佢仲有唔同顏色與字樣的，每年生日願望都是世界和平的朋友，來揀番雙吧！

在嘩眾取寵的年代，你是否願意忠於自己？還是早已在隨波逐流？