食物：$$$1/2
環境：$$$$
服務：$$$$
Over
Over! 若果你前世未食過Pizza，咁就要留意Jamie
Oliver...
因為，今期佢做緊All
you can eat pizza，七款薄餅任你吃過夠，連加一，兩舊水有找。
濛濛細雨之夜，一行六人，又食Pizza，仲散叫埋其他主食，除左話我哋係癲既之外，無咩更合適既形容詞。
呢度個香草蒜茸包，既鬆軟，又充斥蒜泥的香氣。多吃幾口，呵氣如蘭，再不斷同坐對面的朋友說話，爽！
深明稍後會大魚大肉，先來份沙律作平衡，減低大家的罪疚感。
意大利雲吞吃得多，將之拿來炸，又是首次試。加添埋芝士，以及蕃茄辣醬，惹味感倍升。
既然，薄餅是任點任吃，就試勻晒全部，反正我們有黑洞外緩在場，食得完的。
傳統的Margherita，巴馬火腿等款式，廚子當然駕輕就熟，做得出色，大家吃得滿意。新派創作的，都有驚喜。
其中有健康之選的羽衣甘藍，有＂綠茵裡，草坡上，讓我胸襟一再展＂的感覺。另外的海鮮批，十分之足料，塗上了牛油果茸，生色不少，大家都喜歡。
食肉獸既我，只要有人提議食Short
Rib，本人一定附和。非常軟腍的牛，不失肉香，近骨的位置更加出色，再飽都吃了兩件，才肯收手。
一直無參與點菜環節，這碟青BB的意粉送來時，還以為是羅勒，原來是香草、香蔥及荽茜等造成，肯定是健康人所點的。
最後的長通粉，帶有辣勁，正如朋友所言，有幾分似五香肉丁，廚子認真鬼馬！
有無食甜品？無啦！真係爆啦，個肚......
餐廳資料:
Jamie's Italian
六款薄餅幾多個人食呀？
回覆刪除係七款先岩
刪除六個人食, 仲有其他頭盤和主菜
對面的朋友哈哈！！
回覆刪除呵呵
刪除