海外篇：新關仔角夜市 - 夜消必到

呢期講來講去都是香港與台灣，鏡頭一轉，我哋去番馬來西亞的檳城睇睇。

要食夜消，新關仔角是必然之選，畢竟佢係檳城最大的夜市，比汕頭街有規模得多。

筆者當然不是第一次來，但呢度咁多檔口，食多幾次都唔會厭。

　　

魷魚甕菜用的是水魷，好腍無乜咬口的，焦點落在甜甜辣辣的囉吔之上，再灑上芝麻及花生，惹味。

馬拉的叉燒，總是一片片瘦瘦的，雲吞與水餃跟香港的是無得比。

全場最旺，是71號檔的炒粿條，人龍永遠不絕，我好彩能在它臨打烊前買到。

流轉夠快，即炒肯定又熱又新鮮，但其實水準並不特別高，唔明點解要大排長龍。

我最喜歡的，肯定係蠔煎。同樣是即叫即煎，老板娘加入大量蠔仔，以純熟手法煎起，香噴噴好吸引。

蠔肉真的多，每一口都是，蛋亦沒炒得過老，加上蔥花，香口好吃。來點甜辣醬會另味道提升至另一層次。

臨尾整多碗煎蕊，透心涼！然而，講到煎蕊，始終是檳榔律馳名潮州煎蕊是一絕，好食到飛天。

檳城的榴槤，你會錯過嗎？

鹵麵、串燒、喇沙......只恨我胃納從來有限。

餐廳資料:
新關仔角夜市
172, Solok Gurney 1, Pulau Tikus, 10250 Jelutong, Pulau Pinang