豐魔茶廳 - 入了魔的茶記?

食物：$$$1/2

環境：$$$1/2

服務：$$$1/2

呢間豐魔茶廳，感覺上是普通茶記一間，又唔係懷舊，原本無咩值得寫，但從網上得知，佢背後既老闆，大有來頭。

有幾猛料？原來豐哥，正正是「廚魔」的合伙人，當年一齊搞BO Innovation喎。咁，BO Innovation大家應該未食過都聽過啦卦~

米芝蓮星級腦細搞茶餐廳，到底係咩玩法？點都值得去試一次喇。

茶廳落戶在青衣城二期，孤陋寡聞既我，是第一次踏足二期呢邊。

   

焗豬又話係招牌，手撕雞又話係招牌，仲有西多都好吸引，我一條友，個胃又未食大，無可能吞下咁多樣嘢，要作出取捨。

讀書向來捧蛋既筆者，要我計雞會成本，highest valued option forgone，慘過去屎，還是用最有效的方法，點指兵兵。

點中了手撕雞撈麵，木耳、雞絲、蝦米、韭黃及蔥花等撈麵，賣相不俗。雞絲唔係淡而無味之貨色，蝦子麵軟熟爽口，雖然辣度薄弱，但幾惹味。

不過，搞一大輪花臣，為何不簡簡單單，像炯記的出品，手撕雞鵝油撈麵？

性格要夠玩嘢，先可以同廚魔一拍即合啦......

感謝車媽媽借出照片

大熱天時，原本飲杯凍飲至夠爽，但見佢門口個長咀的茶壺，分明就是沖四川八寶茶既茶壺，沖出來的奶茶會否更有特色？

是滑的，但比較對身，同埋茶香唔得出眾，只是僅合格的奶茶。

本想靜靜的食餐飯發個白日夢（夜晚唔知發咩白日夢 XD），但食食下入左兩個客坐隔離，全程大大聲講粗口，擾人清夢，煩到嘔。

好夢總似難圓，璀璨的又卻苦短......

餐廳資料:

豐魔茶廳

青衣青敬路33號青衣城2期1樓197號舖

26613433