Lion Rock - 多面睇

Lion Rock定期與不同化妝品牌合作，推出精美下午茶，相信大家都知道。加之，筆者收到風，佢哋同泰國通胡慧沖先生搞搞震的下午茶，亦已出左街。

再者，即將又到母親節，以佢哋既風格，一定唔會無嘢搞既。

呢段時間，可能是Lion Rock最豐富最多元化既moment，一次過體驗晒佢三樣嘢，有如小朋友擁有了Kinder出奇蛋，喜上眉梢。

今期與Lion Rock合作的化妝品牌，是源自日本北海道的Haba，男人老狗如我可能識佢係條鐵，但愛美的女士們一聽便知是好東西。

   

先撇除兩碗小拉麵，最吸睛的，大概是外型似蜜瓜的小甜點，查實係白朱古力慕思來的，可是白朱古力外殼硬得誇張，似考牙力。論味道，先講咸食，個人覺得海膽帶子不錯，鮮上加鮮。至於甜點，芝士撻從來無得輸。

認識帝京餅店的朋友，相信都知道他們的搞鬼甜品有幾絕核。因此，下午茶Set的兩碗小拉麵，有一碗是真的，有一碗則是甜品來。真真假假，相不相信它，靠自己眼睛去辨別。

與胡慧沖先生合作的下午茶，我話無泰式風情你都唔信啦！事實上，傳統的春卷配泰式醬汁，以及沙嗲串，地道又好味。菠蘿奶凍，更是精彩中之精彩。真假難分項目，係 “Show me your love”，據聞胡生最欣賞帝京的粟米肉粒飯，每次來均要品嚐，仲要加腸加餐肉，認真識歎。有見及此，Pastry Chef又弄一個鬼馬粟米肉粒飯蛋糕，企圖以假亂真。

喜歡飲凍檸茶既我，當知道呢杯檸茶加左枝香茅後，更有興趣，我諗如果用埋青檸，我會瘋狂愛上。

試了兩款母親節餐的主食，以酥皮鱈魚做膽，配牛扒或者龍蝦。

鱈魚的油份高，配埋香氣四溢之酥皮，蠻好。牛扒與龍蝦之間，個人較欣賞龍蝦，因為混埋煙肉粒去焗，香氣寧舍出眾，而且龍蝦肉爽。

酥皮鬆脆，玉桂香滿滿的小酥點，頂頭放入雪燕，變身成為高級版。

三款之中，硬要我揀的話，我會首推與胡慧沖先生合作的泰式風情。

餐廳資料:

Lion Rock

旺角太子道西193號帝京酒店3樓

26226167