2018年5月11日 星期五

FooDo - 手造,吃得過



食物:$$$$
環境:$$$$
服務:$$$$

據聞,通菜街呢間手打意粉專門店Foodo,係由明星開設的。或者,有些食客來食意大利麵,是為見明星一面。

然而,我呢個甚少睇電視既人,根本唔知邊個明星打邊個明星,可能店主係樓面serve緊我,都懵然不知。

有興趣來,只因身邊兩個朋友來幫襯過,不約而同讚其價廉物美,畢竟幾十蚊個手打意粉,連飲品,是很克己的收費。

其實,兩、三星期前曾打算到訪,可惜人家Work Hard, Play Harder,去左旅行歎世界,筆者慘食閉門羹。
    


裝修好簡約,掛幾幅店主自已影的食物/食材相,就是這樣。


點了一款手打濶麵,以及一個薄餅,大家分吃。濶麵是忌廉汁鳳尾蝦,麵條煮得軟硬適中,保持咬口,而且蛋香豐富,配埋忌廉汁,果真有水準,只挑剔只是鳳尾蝦唔係靚貨。


菠菜葉醃肉薄餅,呈長型。Pizza鬆脆,富麵粉香,因有醃肉,味道是略咸,但個人可以接受到,整體水準其實唔錯的。


由於咸食水準蠻高,所以斗膽來一客甜品,草莓白朱古力慕思蛋糕。以為會很甜,但可能是草莓作了平衡,又唔係甜得太過份,質感則軟熟,仲有脆餅底,雖稱不上一試難忘,卻是吃得過的。


跟餐的水果凍茶,帶點點果香,只恨太細杯。

兩點過後,人反而開始多,香港人假期習慣瞓到日上三竿的嗎?

去打波了,快快讓番張枱出來~


餐廳資料:
FooDo
旺角通菜街1A-1L號威達商業大廈地下C號舖
90166327

7 則留言: