2018年5月22日 星期二

新店速遞:正宗上海生煎皇后麵館 - 獨自會皇后


食物:$$$
環境:$$$$
服務:$$$1/2

脫毒尚未成功,不為見誰幾面,但求獨自食碗麵。

上海生煎皇愈開愈多,筆者只在最初期嚐過,味道如何,印象模糊。如今,生煎皇找到了另一半,在我熟悉的深水埗區開埋生煎皇后,我可以會一會佢。

店子夾在兩間豬潤麵名店維記中間,門面光鮮,不難找。
   


新開張,地方自然企理,店子走簡約風,無花巧,但相信已是全「生煎皇」線裝修最揼本的一間。


皇后湯麵是招牌,其實即是大雜燴,但我寧可要其另一推介麵食,五香牛肉湯麵。

依習慣先呷啖湯,感覺就是「師傅到」,加之麵條是腍腍的,令人失望。幸而,牛展不是雪到硬轟轟、死實實的,而且帶點香味,挽回了一點分數。


另點了一份招牌小食,炸鍋貼。熱得燙咀巴,要小心吃。咬落是比較硬脆,餡料味道尚可,醮開胃既沙律醬,可以收貨,但稱唔上必吃咁誇張。


見飲品除了奶檸茶檸水咖啡外,仲有黑糖珍珠奶茶等特飲,不妨試一杯。

茶味很濃,珍珠份量也多,卻嫌太腍,我喜歡有點咬口的珍珠。

餐廳資料:
正宗止海生煎皇后麵館

6 則留言: