2018年5月21日 星期一

SKYE - 置身海闊天空裡



食物:$$$$
環境:$$$$1/2
服務:$$$$

要數五間印象最深刻的餐廳,SKYE會在名單之內,舒適環境及維港景觀係一大優勢,型男索女店員更令餐廳變得更有活力,我好想知道,到底點樣可以聘請到呢班咁正既員工?

再次踏足SKYE,全是為試Guest Pastry Chef Andre Steyn的下午茶,只做兩天,機會難逢。
   


南非甜品大師親自監工,對甜品水準自然充滿信心,意料不到佢既七款咸食,同樣是咁精緻又高水平,非常難得。


咸點有雞有牛亦有魚,仲有青瓜等,卻呈現出不同的美態。置中的是雞,包身軟熟,挖空中芯釀入微辣的雞絲,惹味又醒胃。煙燻牛肉簡易鋪在多士之上,已經好吃。若單是青瓜卷,或許會有惱人的草青味,混入Cream Cheese後,整件事美味百倍。三文魚結合紅菜頭,健康又清新。阿拉斯加蟹肉混埋各式汁醬,以脆盞盛起,好味道。


然而,重點當然是Chef Andre的甜點,一片金葉子作點綴的,質感極其細滑,滲出淡淡薄荷的清香,卻又不會太過龍,美味。黃色的一件,個子雖巨大,但因味道偏酸和清新,也不覺太膩。


中間的一碟,有柚子香茅撻,撻皮鬆脆,味道清爽怡人。巨大的朱古力香蕉甜點,咬落香脆,不過好飽肚。


提拉米蘇泡芙,質感很細滑,帶出濃郁咖啡香氣,迷人之作。杯子蛋糕也不像坊間的出品咁甜,蠻好的。


兩款杯裝甜點,各有各過人之處,但要我選的話,黑加倫子杯會更合我口胃。


雖然,Chef Andre呢款咁迷人既下午茶經已成為絕唱,但在如此美景下,歎其他款式的afternoon tea,同樣是賞心樂事,對嗎?


餐廳資料:
SKYE Roofbar and Dining
銅鑼灣告士打道310號柏寧酒店27樓
28393327

4 則留言: