鵜舞 - 離合器令我很累

食物：$$$$

環境：$$$$

服務：$$$1/2

累透了的幾天，收工想吃餐好西，卻又不想走太遠，近近地D2 Place搞掂最好，反正依家商場已進駐不少優質食店。

雖然商場出現了許多新店子，但左諗右諗，還是選回在D2扎根已久的舊店，Umai。

之前來過一次，但坐近門口位，從不知原來店子面積是如此大。然而，平日晚上約八時，餐廳不單高朋滿座，仲要有翻枱，在這一帶可謂奇葩。

可能大家同我一樣，喜歡這店的輕鬆氣氛，收工跟朋友來喝一杯吃點嘢，乃減壓良方。

    

眼濶肚窄的我們，瘋狂咁點食物，最終自食其果，吃到幾乎肚爆，還打包了兩盒回去。

先是鰻魚蛋卷，雞蛋厚身，但十分軟滑，保留蛋汁，包裹著的鰻魚粒香口，佳作。

卷物都叫兩客，分別係辣吞拿魚卷，以及天婦羅蝦卷。前者擺成花一般，後者則較有氣勢。兩款均是醒胃之作，難分高下。

看店員奉上小火鍋，再呈來一碟螢光魷魚及柚子醬。起初以為是兩款不同的食物，但再三想，我哋好似無叫鍋物之類既東東喎？

店員解釋，這吃法是將螢光魷魚輕輕在滾水裡拖一拖，再醮柚子醬。試了，不是差，但個醬汁有點過甜，我寧可簡單沾日本豉油，吃咸鮮的螢光魷魚。

鄰桌見我們吃這個螢光魷魚鍋，又有樣學樣點一客。

再來試了榮螺壺燒，榮螺份量多，愈食愈有，配埋菇粒，再加上鰹魚湯，鮮得很，多吃幾粒也無妨。

飽也要食串燒，又想食雞皮又想食雞腎，瑪姬仲想食埋雞軟骨。每人一串實在無能為力，些牙便可。個人最喜歡，是邪惡至極的雞皮，胱卜卜，啖啖油香。

吉列牛舌炸得鬆脆，牛脷雖厚身，質感仍保持軟腍，有水準。

經理再三推介呢度既炒麵，我們才點上的。果然，炒麵爽口好吃，配料不管是豚肉片、野菜或半熟蛋，也恰如其分，真係無老點我。

飽到嘔茄，一記益力多雪糕，能否幫助消滯？

呢排食飯都是趕頭趕命，難得晚上可以輕輕鬆鬆鄧梓峰咁食番餐，直頭傾到唔捨得走。

餐廳資料:

鵜舞

荔枝角長義街9號D2 Place一期地下2號舖

27438011