2018年4月23日 星期一

Pierside Bar & Restaurant - 猜猜我是誰



食物:$$$$
環境:$$$$
服務:$$$$

早聽聞過這裡的晚餐非常抵食,說了很久要來吃,只是一直得個講字,從沒有實際行動。

拖到今日,終於的起心肝,與幾位朋友前來大快朵頤。

此等級數的酒店,面對住無敵海景,最便宜的一款晚餐,三舊水有找(須另加一),確實有點不可思議。

不過,是晚我哋食得豪啲,沒選擇最便宜的那款,而是挑了神秘餐單。
    


所謂神秘餐單,你可以選擇吃龍蝦或者牛,甚或是海陸系列。

不要以為揀龍蝦或牛,就會很平凡無驚喜,廚子花盡腦汁,將龍蝦/ 牛呈現出千變萬化的菜色,教人拍案叫絕。


然而,貪心既我,還是選擇了海陸系列,應該會更喜出望外。


前盤,以三格的玻璃器皿盛起不同的東西,最底下是紅菜豆沙律,菜蔬是看得出的新鮮,有埋紅菜頭自會更吸引。中間的蝦肉開邊,配上Cocktail Sauce,醒胃可口。頂頭是吞拿魚他他,鮮美非常。


頭盤有驚喜,希望Pasta繼續精彩。我的一款,係Gnocchi。口感煙韌的薯仔糰,個人向來中意,伴以蘑菇片,同埋靚帶子,畫龍點睛。


主菜原來是乳豬,拿上桌時香氣四溢,再看乳豬皮,深知會是好東西。乳豬皮咬下去是卡嚓一聲,肉嫩,佐以莓子燒汁,食肉獸表示滿意。


看見老友那塊厚厚的牛扒,忍唔住要用乳豬同佢交換小半份。咁厚身既牛,好難拿捏火候,不過廚子功夫到家,成品鬆化可口,十分出色,即使不沾任何醬汁,已經很好。


一直在猜甜品到底會是什麼,是靚靚蛋糕?簡單的提拉米蘇?還是怎麼樣?

謎底終於解開,原來是個大雜薈。甲蟲實際上是輕怡的慕思,蘑菇則是蛋白餅跟提拉米蘇的混合體,熱情果朱古力木頭蛋糕的質地帶點煙韌,仲有Moevnpick雪糕,以及"一舊雲"的棉花糖,睇見開心,食落滿足。




餐廳資料:
Pierside Bar & Restaurant
尖沙咀廣東道33號中港城皇家太平洋酒店海景翼大堂高座
27382398

4 則留言: