食物：$$$1/2
環境：$$$1/2
服務：$$$1/2
並不特別愛種花，久唔久卻會想逛逛花墟，望望七彩繽紛的花卉，感覺會令人放鬆一些。
我唔係武林中人，不可以食花當午餐，去逛花墟前，總須找個地方醫肚。
經過小蓉麵家，想起已有好一段時間沒嚐過雲吞麵，即管入去歎番碗。
店家以小蓉命名，無理由唔食佢既細蓉，二話不說先來碗雲吞麵。原本想再要份薑蔥豬潤，但睇餐牌有炸水餃，喜歡香口嘢既我，即時轉軚。
枱頭的漬蘿蔔，總不可能錯過。這裡的是切片，雖然仍好吃，但我更喜歡永華麵家和劉森記的，所以今次只嚐了一小碟便收手。
細蓉先到，份量比傳統的細蓉大丁點。飲啖湯，湯頭勝在夠熱，但大地魚香不甚出眾。雲吞較大粒，唔係散尾細細粒容易食個種，鮮蝦與豬肉餡各半，味道尚可。反而麵條雖偏硬身，理應是合我口胃，但滲出輕微鹼水味，累事。
炸水餃，真的新鮮炸起，吃時小心燙咀。咬下去很脆，蝦肉以外，還有不少木耳絲，沾點甜酸汁去吃，正常水平。
正如朋友常說：家陣若無乜超驚喜既味道，都好難滿足到我哋。似乎，我們真是被寵壞了。
近排講得嘢多，飲杯熱柑桔潤一潤，舒服多了。年紀大左真唔同以前。
出發！臨老，入花叢。
餐廳資料:
小蓉麵家
入花叢，有無收穫呀？
回覆刪除沒有...哈哈~
刪除我以為你話自己臨老入花叢haha~
回覆刪除哈哈哈
刪除