雞仔去骨海南雞專門店 - 近期大熱

食物：$$$$

環境：$$$1/2

服務：$$$1/2

呢間雞仔去骨海南雞專門店，朋友吃過個個大讚價廉物美，近月其實本人經常路過，只是不論下午抑或晚上，皆座無虛席，才與店子緣慳一面。

這個星期五，搞埋手頭上既工作，比平時更夜，趁店家臨打烊之時，與朋友趕來醫肚。

懶得諗，二人餐最簡便。有湯、半隻海南雞(跟飯)、一個餸、油菜同埋飲品，好豐富。

    

青蘿蔔南瓜湯，質素比預期中好，喝得出不是師傅嘢，順喉舒服。

半隻海南雞，說它泰式又不是，新加坡款又唔似。Any肥，雞皮爽而肉嫩，味道不俗，同樣是有齊三色醬，個人最喜歡仍是黑漆漆的甜醬油，反而蔥油來得有點過咸。

油飯夠香，卻嫌少許過硬，應該可以軟熟啲。

反而鹵水元蹄幾好。兩條友食，梗唔會太巨型咁上，但很進味，皮爽而香，瘦肉亦鬆化，再飽都可以多吃兩口。

食完邪惡之元蹄，咬幾條菜，感覺上健康點。

飲埋杯凍檸茶，快趣走人，阻人收工尤如殺人父母，一樣大罪。

埋單一路發 ($168)，很好～

餐廳資料:
雞仔去骨海南雞專門店
長沙灣元州街493號靄華大廈地下1號舖
53777710