Operetta - 睇戲不離三兄弟

食物：$$$$

環境：$$$$

服務：$$$1/2

甚少入戲院睇戲，不過＂印度劉華＂所執導的電影，由作死不離三兄弟，到來自星星的PK，以致打死不離三父女，我全部有買票入場欣賞，每一次均是拍爛手掌。

當知道其最新作品，打死不離歌星夢 (中文真係譯得好差!)上畫時，已與老友夾定日子，再忙也必定要看。的確，又是一套令人拍案叫絕的好戲。眼淺的朋友，記緊帶定兩包紙巾。

睇完戲，接近七點，係時候醫肚。沒走太遠，就在商場內找吃，意大利菜、日本餐，以及中菜，任由兩位大佬選擇，佢哋話食意大利菜。

    

餐廳晚市做緊Semi-Buffet，價錢合理，比起A la carte更為划算，一於咁話。

出去兜個圈，嘢食稱不上特別多，不過吃些新鮮沙律菜，各式我喜歡的風乾火腿，再加埋小量芝士、煙三文魚、蛋餅及青口等，已經飽了大半，食物水準合乎預期。

商議好大家想吃的主菜，問店員那幾隻碟，齊齊分享。槽魚煎得魚皮香脆，魚肉十分嫩滑，蠻不錯。

白酒蜆肉意粉是我點的，意大利麵保持咬口，蜆肉個子雖不大，但鮮嫩而滲出酒香，沒有沙，佳作。

薄餅上桌，看賣相已知對辦，邊位乾身，咬落是微微脆口，雅枝竹、火腿、什菇等，餡料豐富。由於是鯷魚薄餅，整體味道有點偏咸，實屬正常，個人頗為喜歡的。

飽得八八九九，甜品輕輕帶過便好。幾款蛋糕之中，印象最深是熱情果蛋糕，味道醒胃，底下還有層椰絲，豐富了層次。意大利餐廳，做的提拉米蘇不會錯得去邊，濕潤可口。

識左廿年既真正老友，齊齊食好西，經濟、事業、運動乜乜乜，無所不談，這個晚上，那有不愉快的理由？

餐廳資料:
Operetta
金鐘金鐘道88號太古廣場1樓112號舖
21158080