新店速遞：薰甘同味 - 三十八元的晚餐

食物：$$$

環境：$$$1/2

服務：$$$1/2

水果報近期介紹過一間新餐廳，叫薰甘同味，話佢既白咖喱湯底一絕，售價卻只是三十八個大洋。

其實，我在報導出街之前，已經嚐過兩次，畢竟我係呢頭浦的。

來過唔止一次，並不代表我十分喜歡這裡，只是呢度真係太便宜。

    

大家都知道本人對星馬嘢情有獨鐘，所以當看見餐牌有馬拉喇沙，以及白咖喱時，已鎖定目標，不作他選。

第一次來是試喇沙，配什丸。是呷口湯，勁辣不強，更沒有馬來西來喇沙那種複雜的層次口感，未算合心。所謂什丸，即是墨魚丸、貢丸，及魚蛋魚片，另有仲有蘿蔔，全是大路貨色，不過咁既價錢，我無投訴。

另一次再來，吃的是白咖喱烏冬，配酥炸豬扒。豬扒新鮮炸起，熱燙又酥脆，可以的。然而，店家自傲的湯底，我覺得太淡口，香氣薄弱。可能是我死牛一邊頸，唔願意接受這新派的白咖喱湯底吧～

三十八蚊，不單是一碗麵，還包埋杯飲品，要讚是熱的柚子茶，很足料，絕不欺場。

雖則食物不盡合意，但呢個平通街既價錢，仲想要求幾多？

餐廳資料:

薰甘同味

長沙灣元州街399號喜漾地下2號舖

54051484