Niji Kitchen - 更有意義的蛋包飯

食物：$$$1/2

環起：$$$$

服務：$$$$

N年前吃過一次尖咀Niji的蛋包飯，覺得合格，不過自此之後，再沒到訪過，有人說水準大幅下滑，也有人話依然美味，我唔敢評論。

D2 Place 二期近月開了間Niji Kitchen，同樣是主打蛋包飯，唔知道跟尖沙咀個間有無關係，卻引起了我來吃的興趣。

呢個商場平日真係靜得好交關，晚上還未夠八時，店子小貓三幾隻，大把位任我揀，生意難做。

    

選定了赤味噌牛肉蛋包飯，要套餐，即有湯、漬物，以及飲品。

漬青瓜、蘿蔔粒，最好用來打開胃口。然而，總覺雞肉菜湯有丁點苦澀味，喝了幾口便放下。

蛋包飯外型幾靚仔，驟眼看上去是對辦的。

切開雞蛋，沒有預期中的嫩滑多蛋汁，不過，米飯加埋微辣的赤味噌，仍可接受，若然牛肉可再鬆化些便再好。

辛苦了一整天，可靜靜的歎杯咖啡，已是天大的享受，我的要求應該不是過份吧～

此店是有聘請聾人的社企，在這類店子飲杯咖啡，感覺也是更有意義。

餐廳資料:
Niji Kitchen
荔枝角長義街9號D2 Place二期3樓310號舖
35868103