2018年3月14日 星期三

Ufufu Cafe - 留個機會下次吃甜


食物:$$$1/2
環境:$$$$
服務:$$$$

反正要過美麗華商場搞啲嘢,時間許多,同朋友食個午餐才出發。對方提議去Ufufu Café。

早前才見到朋友Oli在IG貼過呢間西日咖啡店的食物相,一直打算去試。

避開了繁忙時間,所以人客不多,大把位置可以揀,梗係坐埋靠窗的卡位喇。
   


可能太耐無食類似的菜色,午餐牌中九款的食物,樣樣都想食,選擇困難症忽然發作。


好不容易,決定要份牛肉壽喜燒烏冬。跟餐有湯或者沙律之選,飲個湯吧~

白湯起碼唔會稀稀的,溫度又足,可以收貨。


份量不少的牛肉、金菇菜與烏冬,感覺豐盛,最重要還是搖搖欲墜的雞蛋黃,將整件事的吸引程度大幅提升。

飲啖湯,甜甜的壽喜燒向來合我口味,煙煙韌韌的烏冬都幾好。牛肉要及早食,以免淥得太耐會變韌。


餐飲要杯熱咖啡,總算香濃,喝罷醒神。


雖聽聞呢度既甜品好誘人,只怪自己胃納實在太小,已沒能力再吞下芭菲了,留個藉口下次再來吧~

餐廳資料:
Ufufu Cafe
尖沙咀金馬倫道5號太興廣場5樓
27116117

3 則留言: