Mango Tree - 味蕾泰滿足

食物：$$$$

環境：$$$$

服務：$$$$

近呢幾次去食芒果樹，都是去元朗的Mango Tree Cafe，主要係貪近，西鐵兩個站就到。

原來都有一排沒到圓方搵食（對上一次是聖誕前與海豚兒在魚塘鴨子的聚會），趁要來附近敗家，便順便與朋友來重溫Mango Tree的美味。

見佢餐牌中不少也是未嚐過的，有新嘢試我最開心。

    

點枝法國紅酒，送份鮮飽魚，一客三隻的鮑魚，已切開一片片，方便食用。每片鮑魚也很軟腍，泰式辣汁的辣勁唔嘢少，但同時來得醒胃，我吞了兩隻。

頗欣賞粟米蟹肉餅的口感，而且餡料足，沾上酸酸辣辣的汁醬，美味，只恨我今次啲相影到Out 晒Focus。

喜歡香口嘢既我，自會想吃串燒，這份豬肉串燒還會配木瓜沙律及糯米飯。孤陋寡聞既我仲以為店方上漏左沙嗲汁，後來店員解釋是沒有的，建議以肉夾糯米飯再夾沙律一起放入口，感覺有幾分似在吃壽司，味道又意想不到的好，尤其是那串燒豬肉，雖沒有汁，但本身夠香夠味，同埋唔怕太乾身。

再來黃咖喱河蝦炒麵，河蝦個子非常巨大，啖啖肉，蝦羔豐盛，即使開邊，跟朋友每人半隻，都已很滿足，墊底的油麵，索盡咖喱汁的精華，本是很好，只嫌今次的黃咖喱，太甜了些少。

眾多魚類之中，筍殼是其中我喜歡的一款，炸筍殼，唔會乾到無晒肉，配埋香茅及辣汁，惹味非常，更讚是廚子已細心地將魚肉起片，不錯。

若然沒有甜品，我的甜胃一定會向我投訴，以芒果糯米飯來慰藉甜胃，最好不過。唔怕太硬，煙煙韌韌的口感，配埋椰汁幾討好，最佳拍擋的芒果很甜美，是個美好的終結。

餐廳資料:
Mango Tree
尖沙咀柯士甸道西1號圓方(Elements)2樓2032號舖
26684884