Follow me on Instagram

2018年3月26日 星期一

Maison ES - 延續星街美好回憶



食物:$$$$
環境:$$$$
服務:$$$$

灣仔日月星街,既有潮流小店,又不乏優質餐廳,於我心目中,是個好特別的地方。只是當我不再在灣仔區返工,已甚少過來搵食。

猶記得,在星街曾留下不少美好回憶。如Cine CittaThe Principal1/5 Nuevo等等,不過,一切俱往已。

忽然一天,朋友相約晚飯,說出去星街的Maison ES,本人開心不已,皆因這餐廳我一直想試。

擇好良辰吉日,由朋友代為訂枱。


選定了六度菜的晚餐,點枝白酒喝下,近排要鬆一鬆。


以北海道帶子作序幕,賣相美美,帶子的質素不用懷疑,還有魚籽、秋葵、粟米粒等,豐富了層次。醒胃的柚子醬,更能引出北海道帶子的鮮美,很讚。


第二道是磨菇蒸蛋的組合,廚子以鵝肝打成泡,更添美感。磨菇超級好吃,蒸蛋也嫩,只是非常飽肚,我仍要保留食力給之後的四度菜色呀~


接著來,是西班牙鱈魚,侍者會在我們面前再注入湯。飲匙湯,比較清鮮,跟味道偏咸的魚肉很匹配,是廚子的悉心安排。魚肉嫩滑之外,魚皮都脆卜卜,我頗欣賞呢個菜色。


一般的海膽意粉,感覺都會較為濕潤,不過呢款好唔同,意粉炒得十分香口,味帶微甜,有功架,海膽只是錦上添花。


甜品前,有食肉獸勁喜歡的Short Rib。牛扒與配菜分開上,幾特別的安排。單睇色澤,已深明呢份牛係好嘢。火候控制得宜,質地軟腍,卻有點點彈牙口感,沾埋醬汁,十分可口。配角的南瓜絕對唔嘢少,近乎神級好吃。


簡簡單單的甜品,吃起來酥脆,沒有過甜,再飽都有能力清碟。

步出星街,確實涼了不少,忽冷忽熱的天氣,好易瀨嘢,大家要小心保重身體。


餐廳資料:
Maison ES
25218011

6 則留言: