食物：$$$$
環境：$$$$
服務：$$$$
後生仔女喜歡吃米線，老鬼的我卻鍾情於車仔麵，想當年，一星期閒閒地食三餐。
我嗰年代既車仔麵，無裝修可言，圓枱加埋十大武器之首的摺櫈，風味盎然。
時代唔同左，家陣既車仔麵，雖仍是平民食物，卻須花點銀兩去裝修，小本經營並不容易。
平日自己一條友食，多半是三餸一麵，整多罐嘢飲，爽皮。
同朋友食的話，玩法又可以不同，齋叫多款餸，開心些牙，一樣得。
牛腩與牛筋，牛腩鬆軟可口，牛筋膠質重，墊底的蘿蔔，索盡汁水，軟腍無渣，精彩。
素來中意吮雞腳。呢度既鳳爪，沒有硬轟轟，亦唔怕溶溶爛爛，入味好吃，若然可以去掉指甲，仲好。作為食肉獸，面對住邪惡的腩肉，好難抗拒，用南乳做法，更加香，錦上添花。
豬肺軟腴沒異味，加埋辣汁，惹味非常。豬腸一向是我的至愛，呢份出品，太有小時的味道。冬菇來得太巨型，你當佢是浮誇吧！
豬手的皮豐厚爽口，有點肉，大愛加話梅的倏法，醒胃得多，再飽也可吃幾件，真心推介。
吃車仔麵，是不可以沒可樂的，你明白嗎？
眼濶肚窄，大家仲話要掃多幾場，仲以為自己是十八、廿二咩～
餐廳資料:
砵砵車仔麵
你今次食嘅餸我唔多啱添。^^”
回覆刪除哈哈哈, 不過我中意
刪除唔認老都唔得喇！
回覆刪除認左好耐喇
刪除