2018年3月2日 星期五

Canton Pot - 瘋狂打邊邊



食物:$$$$
環境:$$$$
服務:$$$$

我哋呢班人,食嘢從來癲癲地,像這次打邊邊,只得十個人,卻開足四個鍋,係咪有點不可思議?

呢個唔怪得我哋,一定係酒店既錯,出咁多種湯底,款款吸引,令人選擇困難症發作,才會瘋狂點四個鍋。

又花膠馬卡鴛鴦湯底又冬蔭公湯底,仲有我喜歡的星馬系列湯底,即肉骨茶以及喇沙,各式湯底適宜配不同的配料。
   


混好醬,湯滾起,可以起動。要提呢度既醬料好豐富,包括有坊間少用的腐乳,同埋南乳。


個人認為,酸酸辣辣的冬蔭公和喇沙湯底,配海鮮和豆卜最為恰當。其實,喇沙湯內已放入不少海鮮,包括珊瑚蚌、花枝、象拔蚌仔等,非常豐富,感覺划算。再者,豆卜吸晒酸辣味,自然可口。松茸野菌福袋同樣道理,浸至腍身又入味,加埋爽口的菇菌,美味。


阿根廷紅蝦,是跟冬蔭公湯底的。不用浸太久,輕輕拖幾下,外面熟而內裡帶少許生,效果最好。又,其實,呢款紅蝦,根本就可當刺身食,醮點刺身豉油及日本芥末,爽!


各式肉類與菇菌,與濃郁的肉骨茶湯最合襯。所以,是夜也癲到吃齊三個產地的牛肉。本地手切肥牛,打邊邊最常見的牛肉,有點口感但不是過韌,乃大眾喜歡的火鍋牛。


宮崎和牛,粉嫩的顏色很吸引,近乎入口溶化的質感,有可能不喜歡嗎?


若你中意有咬口的牛肉,韓國牛就肯定岩心水,有嚼勁,跟濃郁的肉骨茶好夾檔。


豚肉都一樣啦,配合肉骨茶湯底,好美味,但要多留點給不吃牛的車媽媽,否則佢整餐只得個睇字。


九款菇菌類,感覺好養生,配肉骨茶湯固然好,但配馬卡湯底也合適。


個人認為,丸類與馬卡湯最夾。呢款四合丸,不同北京的四合院,而是蝦肉、墨魚、露筍及金華火腿的混合體,將四者之精華合而為一,質感彈牙,露筍又增添了少許爽脆口感,好好食喔~


百花釀蟹鉗,似是飲宴的菜色,想不到會是火鍋配料,入口彈牙,妙在更混入了海參,添貴氣,配花膠湯底肯定正。


手唧麵條呢家嘢,真是廣東火鍋的特色,好玩又好食。長長的一條過,質感有點咬口,我喜歡。


加埋什菜籃、皇帝菜和冰菜,以及甜品的木糠布丁及紫薯奶凍,滿足到一個點。

其實,材料咁新鮮,配咩湯底都正,只係我哋特別奄尖而已。

餐廳資料:
Canton Pot

8 則留言: