海外篇：老黃芽菜雞沙河粉 - 肥嘟嘟芽菜

食物：$$$$

環境：$$$1/2

服務：$$$1/2

怡保最最最馳名的美食，必要數到芽菜雞，某程度上，我山長水遠來到這城市，也是為了此品。

上網搜尋下，總會有大埋店名彈出，其中的名店之一，叫老黃芽菜雞，搭Uber4者的士，司機一定識路。

黃色底招牌，加上大大隻紅、白色的字體，非常搶眼，肯定唔會走漏。

有人話，是遊客才會去這店，唔緊要啦，我真係遊客丫嘛～

    

來來去去幾個名菜，點餐唔須要花腦筋，芽菜、雞、沙河粉是必吃的，另再要多碗肉丸，及飲品，好足夠了。

敞大的一碟芽菜火速送到，肥嘟嘟的，比較短身，吃起來爽脆，不用沾醬汁味亦帶甜，真的好吃，也真是怡保才能吃到。咁大碟，也被瞬間掃光，可知水準是相當的高。

雞要了半隻，這邊是奉白切雞的，皮薄而肉嫩，富有鮮味，香港好難搵個呢個級數，夾埋芽菜食真是一流。

再來一碗肉丸，估佢唔到咁多粒，口感唔怕死實實，我吞下了不少。

最後要個沙河粉大家分吃，質感好滑溜，比名店天津的感覺還要好，怡保真係求其一間的河粉都好食。

唔覺唔覺其實都好飽，不過再飽也好，一場來到，都要試試附近的豆腐花。

餐廳資料:
老黃芽菜雞沙河粉
49, Jalan Yau Tet Shin, Taman Jubilee, 30000 Ipoh, Perak, Malaysia
(60) 5-254 4199