2018年2月28日 星期三

金鳳大餐廳 - 豉油西餐的新裝



食物:$$$1/2
環境:$$$1/2
服務:$$$1/2

老字號豉油西餐金鳳,開分店絕不出奇,但落戶在最新最潮的D2 Plac2二期,真係估佢唔到。

都係上次帶外國朋友去隔離吃鐵板燒,才俾我發現呢間金鳳。

剛巧,星期六要與朋友在荔枝角見面傾嘢,抱著一試無妨的心態,捉埋大家來金鳳吃番餐罷,衰極都係幾十蚊,無人會肉赤。
   


地方不大,一眼見晒,或許是撞正繁忙時間,食客比我預期多,要稍等一會才有位,等左兩分鐘咁多喇。


午餐三款,也可散叫,都係食午餐算吧~紅與白湯之間,挑來羅宋湯,幾開胃,亦沒過酸,收貨了。


主菜方面,朋友以為我這食肉獸必會吃什扒,今次佢錯了,我反而點了肉醬意粉。

肉醬意粉竟是有點Presentation,可惜味道一般,唯勝在有點咬口,加條香腸,是要滿足食肉獸的慾望嗎?


餐飲的熱奶茶,竟然不錯,香濃又夠滑,在無咩期望的一餐下有點驚喜,好似賺左咁。

餐廳資料:
金鳳大餐廳
31881970

6 則留言: