貴州遵義黔營羊肉粉 - 火辣加羶香

食物：$$$1/2

環境：$$$1/2

服務：$$$1/2

為遷就老友，今個星期打波地點，由長沙灣轉去旺角，而且中午要孤獨食。

反正打算求其食碗粉麵，經過女人街，看見有間貴州遵義黔營羊肉粉，似乎幾吸引，沒有即時上網研究佢既口碑，便入去了。

希望我既直覺，唔會太差。食神，你在我身邊嗎？

富中國風的裝潢，加上食客十居其九是＂煲冬瓜＂的，相信應該正宗。

    

看枱頭除了陳醋及各式調味粉外，更有一兜生蒜，再連埋陣陣的香氣，可加以肯定，是典型的貴州風味。

縱然有辣子雞、牛肉、排骨等粉麵供應，然而，來這裡，不吃羊好似幾茂李咁。雖然我份人一向烚下烚下，不過都還是食番羊吧，決定來碗羊什麵。

羊腰、羊腸、羊肉，在香港真不多地方有得吃。羊肉比預期中鬆化，幾好。羊腰比豬潤口感多一點，而且個性（羶味）更突出，但我個人是不怕。羊腸中芯充滿肥脂，邪惡到極，即使正義如我，也有點吃不消。

麵條幾爽身，只是要了小辣，但已非常刺激，是我勉強可接受的級數。到底係我愈來愈不能吃辣，還是這辣度根本非同小可？

咁鬼辣，呢杯凍檸檬茶，唔飲唔得。

五十三個大洋，吃到咁有特色的一餐，值得！

餐廳資料:

貴州遵義黔營羊肉粉

旺角通菜街86號利群大廈地下E號舖

28668281