壹級日本料理 - 冬菇亭的進化

食物：$$$$

環境：$$$$

服務：$$$$

昔日的冬菇亭，不論在哪區，均是以大牌檔式經營，賣些點心，炒幾個小菜，廉價之餘，風味盎然。

時代唔同左，現今的冬菇亭，裝修比以前講究得多，而且不限於食平價中式嘢，如壹級日本料理，就是在美林村的冬菇亭。

雖然只位於屋村，但這間料理店，門口仍陳列不少日本清酒，蠻有格調的。

到底靚左咁多既食肆，食物水準如何，我好有興趣知道。

    

每人點一客飯，加點小食，足以飽到我們反肚。先吃忌廉蟹肉薯餅，即叫即炸，製作需時，卻保証新鮮。金黃的外衣好吸引，外層很香脆，內裡軟滑足料，醮沙律醬食更醒胃，但吃時千萬要小心燙口。

怎樣也算得上是半個牛魔，目光自然地注視在牛肉系列之上，一眼釘中了火炙安格斯牛肉飯 。

一片片安格斯牛肉，砌成像塔般，即使屋村的日式餐廳，也可以很用心。薄薄的牛肉，質感十分軟滑，卻不失肉香，沾點汁醬，要清晒一碗飯不是問題。呢個飯，還配上味噌湯，無咩可以投訴。

老友的鐵板和風燒雞扒，同樣跟埋白飯和味噌湯，七十個大洋有找。鐵板上當然夠熱，香噴噴的雞扒，賣相已經贏晒。吃起來皮香而肉嫩。須知許多幾十蚊貨仔的雞扒，都會有陣雪味，但呢度完全無問題，只得香味和肉汁，性價比實在高。我連配角的蘿蔔及粟米也沒有放過。

由於主食太不錯，忍唔住又點來一份軟殼蟹火炙芝士三文魚籽卷 。其實呢個組合，我點諗都覺得無可能會輸，的確，味道十分對辦，朋友更將之沾上剛才薯餅的沙律醬，邪惡爆燈。

飲埋枝可樂，萬分滿足。係呀，呢度既可樂係枝裝架！有分加～

餐廳資料:
壹級日本料理
大圍美田路30號美林邨熟食亭1-4號舖
28139368