2018年3月4日 星期日

凱悅軒 - 橫行霸道又如何?



食物:$$$$
環境:$$$$
服務:$$$$

過年後,馬不停蹄與朋友們吃開年飯,這天是到尖沙咀凱悅酒店的凱悅軒,一個我們十分熟悉的地方。

由三月起至四月底,佢哋推出了以阿拉斯加蟹為主題的菜色,看來款款吸引,那就易辦,一於做一天蟹殺手吧~

除了湯品,單尾的糯米飯及甜品,其餘的菜色全是以阿拉斯加蟹做主角,名符其實的蟹宴。
    


頭盤的凍蟹腳,影得唔係幾好,實物是有仙氣的,當然就是乾冰的效果。師傅很細心,已將蟹腳切至恰好的大小,吃得方便。清爽的蟹腳,微甜的再滲出酒香,面頭再加上金箔,乃矜貴又醒胃的好開始。


新鮮煎起的茶果,熱呼呼,咬落微脆又帶點煙韌,沒半點黏牙,已經是好東西。以阿拉斯加蟹肉作餡料,啖啖都是蟹的鮮美,自覺有些堅離地。


湯品是四寶燉萬壽果,對這款湯絕不陌生,勁多的蟹肉及竹笙,加上木瓜,是清甜到不得了的出品,每次總會令人滿足。


焗蟹砵,香氣四溢,吃起來蛋香足,蟹肉成份多,絕無欺場,難怪大導一個人差不多清了整砵。


桂花瑤柱粉絲再加埋阿拉斯加蟹肉,炒得乾身香口,夾埋絲絲的蟹肉放入咀巴,層次頓時變得豐富。


家陣好多酒店中菜廳,菜色都加入四川元素,呢度亦唔例外,阿拉斯加蟹也用上水煮做法,各位辣魔開心死了。坦白說,並不是最正宗的做法,而係經過改良以迎合港人口味,辣度中等,麻味較薄弱,但吃起來仍是香,絲絲蟹肉浸入紅湯內,總算入味。更讚是底下有不少粗身的苕粉,自然成為搶手貨。


另一款惹味的阿拉斯加蟹菜色,係椒鹽做法,鬆脆可口,蟹肉要連埋炸蒜食,才是皇道。


天氣仍是涼涼地,以腊味糯米飯作單尾,是恰當的安排。


幾款甜品,其中炸紫薯荔枝球我是首次嚐試,幾特別。不過我始終最愛酥皮流沙盞,似是菠蘿包、流心湯丸及蛋撻的混合體,好吃,但也邪惡。


寫寫下文章,我又想食Hugo's~


餐廳資料:
凱悅軒
尖沙咀河內道18號香港尖沙咀凱悅酒店3樓

3 則留言: