2017年9月12日 星期二

劉裕發茶莊 - 上了癮,番唔到轉頭~


我心感興奮,個個歡樂笑嘻嘻;喝得心花放,在這美麗園地……

我哋唔係去左海浪公園,只係來到樂富既劉裕發茶莊,跟幾位朋友一齊學習品茗。以往我一直覺得,學習品茗,是這麼近,那麼遠的一回事。

大家有飲茶既習慣嗎(唔係去茶樓飲茶嗰隻喎)?筆者小時候,阿麻是有沖茶的,不過無得選擇,獨沽一味喝六安。個人又幾鍾意六香既味道的。

自從阿麻走了,也甚少再飲茶了。若你問我喜唔喜歡飲茶,我仍會答喜歡。只是懶,所以沒有自己沖茶泡茶,當然也沒有去研究茶葉、學習品茗。我想,好多香港人其實也跟我一樣,喜歡,卻從無研究。

一係唔學,要學梗係搵間好既喇,否則學壞師仲大鑊。呢間劉裕發茶莊係老字號,年紀比我還要大得多,一定無衰。
    


是次之課堂,由第三代傳人亦老師親自教授,大家除了學習到許多茶葉既知識外,更有機會試飲幾款靚茶葉,配埋月餅發達啦~



聽完老師講解了基本的資料,又學了怎樣揸茶盅及茶杯,可以開始試第一款茶葉,岩茶。或許各位都知道,武夷岩茶是中國十大名茶之一,產於福建省北部的武夷山地區,屬烏龍茶類。



是日品嚐的老欉水仙,係2017的岩茶,採自武夷山三仰峰50年以上樹齡的老欉。因老欉的數目少,收成理想既更少,所以係貴嘢,價比大家成日聽到既大紅袍仲要高咁話。這款茶色偏淺,但飲落很醇,但點回甘,不懂品茶的我起初飲唔到太多層次,幾老師指點後,確又真係喝得出微甜及咸,總之是令人很舒服。



好了,再試另一款茶,係工夫茶,即我哋所認知既潮汕工夫茶,去食潮州菜頭尾會飲個小杯。我知道,此茶是以鐵觀音為主,但原來烘焙之後,須要儲存至少一年,待火味退卻後才會沖泡飲用,叫退火



今次我們飲到既工夫茶王,更是極上等的鐵觀音,茶葉靚,再經上5年的退火。



飲工夫茶用小杯,這個我是知道的。原來用作沖泡的茶壺也有講究,Size同樣是細的,更要以行內人說既韓信點兵方式去斟,並不是一下子便倒入小杯,這樣更看得出茶色的變化。的確,呢杯茶並不是一味得個苦,而是極醇後有爆發性既回甘,配上薑汁月餅真係一流。



再來就是大家都肯定聽過飲過的普洱了,此茶有生與熟之分,主要分別是經烘焙。聽完資料,事不宜遲,先試7年既宮廷普洱,係熟茶。一般茶葉第一泡會唔要第二泡才飲。原來新普洱係會第三泡味才品嚐陳年的生普洱更要再沖一泡才喝味才會出。味帶酴甜,食完月餅飲一杯,消滯解膩,當然此質素是比酒樓甚至樓店的茶葉要好飲得多。



高潮來了,跟住有機會試到既,係1988年既7432普洱茶餅,近三十年之陳化期,曾在盲飲測試中擊敗50年代既紅印,號稱茶王。價值當不菲。



茶餅拿上手聞,原來沒什麼氣味,但沖泡後完唔同講法。老師給我們聞一聞個茶壺,一股陳味散發出來,另還有一陣樟木香氣 (不是樟腦味)。喝下去十分清甜醇和,即使再沖泡幾轉仍然精彩,就是我完不懂茶的人都感到佢既風範並非浪得名。



原本,課堂就係咁多,不過大家很好奇很多問題,後來更有幸一嚐90年代既柚子茶。更是由劉伯親自出手為我沖泡行大運了。



好特別的一款茶,在未加鹽前有種獨特的酸味,甚似柚子的味道。然而,加鹽之外,卻帶出甜味,前者各有特色,有趣。



絕對絕對係獲益良多的一個早上。

店舖資料:

劉裕發茶莊
樂富廣場第一期22113
23381872

工夫茶舍
中環鴨巴甸街35號元創坊1AS105
26682285

工夫茶舍
灣仔利東街地庫B08-09

26682269

6 則留言: