食物：$$$
環境：$$$$
服務：$$$1/2
呢篇，講乜乜House！
IFC的Glasshouse我試過，同系的Townhouse與及Greenhouse亦品嚐過，印象都唔差，尤其是那氣氛，令人得以放鬆心情。
得知元朗Yoho也開設了分店，咁鬼近我，就在快樂星期五的晚上，與幾位新界友一起前來擦番餐。
新屎坑，三日香，這個新場是預期之中的人流旺盛，好彩我哋七點前已到埗，否則隨時要做我最憎既動作，排隊！
點餐由朋友話事，任佢點什麼也好，我只有一個要求，就是食薯條，因為我在同系的分店嚐過極之美味的薯條。呢間分店既出品也沒失禮，香脆又熱得燙咀巴，重點還在那松露蛋黃醬之上，教人一條駁一條的吃，停不了口。
凱撒沙律加插了流心蛋，當蛋汁滲進菜蔬後，整件事又唔同睇法，又再加入香脆的軟殼蟹後，邪惡程度多於健康感覺囉～
有韓仔氣息的Kimchi Skewers，今次師傅重手了一點，稍嫌過咸。
牛肝菌意粉保持咬口之餘，菌香四溢，都係果句，有芝士坐鎮，會令成件事更邪惡，但可口十倍。
鮮嫩的蜆肉，多一份酒香，多吃幾隻也無妨。
再選了半隻酥炸富貴鴨，鴨皮的確酥脆，肉質沒有乾柴柴，可能是我幸運分到隻鴨髀的緣故吧～
大大的疏乎厘是要人耐心等候的。但同時，佢係唔會等人既，影得太久唔食就會塌下來，真係唔公平。因此要把握時間。味道蠻不錯的，若能焗得再乾身些少，就會Perfect池喇！
再歎杯滿載泰式風情的菠蘿特飲，爽呀喂～
餐廳資料:
Glasshouse
Souffle個樣雖然有啲無離精神，但至緊要都係有內涵啫!:)
回覆刪除XDDD
刪除平日再去吃過hehe~
回覆刪除吓
刪除