新店速遞：自家麵 - 冷麵比湯麵好

食物：$$$1/2

環境：$$$$

服務：$$$1/2

今個週末，與朋友在長沙灣食個Lunch，再去打波，一切回復正常。

筆者雖然係呢區幾廿年，卻總會有些餐廳未吃過，畢竟食肆開開關關，在香港地太過正常。

在元州商場新開的自家麵，同行朋友問起我呢個鋪位前身是什麼，我已記不清楚，有人可以解答我嗎？

根據人氣公開飲食網站的資料，原來這家麵店，已有三間分店，筆者認真孤陋寡聞。

   

長沙灣呢間分店，一個食評也沒有，相信開左無耐，但我沒打算爭先在Openrice那邊來個首發。

我要款涼麵，朋友來碗湯麵，大家些牙食。手撕雞冷麵，份量比預期中要大，憑我一己之力，肯定食唔晒。

自稱是自家制的麵條，有四個粗幼度可以選擇。我挑了最幼的一款，其實都唔算特別幼身。麵條口感煙煙韌韌，雞絲普通，配埋開胃的汁醬，墊底仲有唔少青瓜絲，可以接受，但稱不上喜歡。

老友的牛展湯麵，麵條同樣是要了最幼的，而湯底有四款俾你揀，分別是原味、酸辣、麻辣，以及胡椒，佢要了最後者。

坦白說牛展只是普通料，胡椒湯底只辣而不香，及不上涼麵好。

熱檸檬茶好大杯，端上桌時我仲以為是來錯了凍檸茶，走飲管。哈哈～

餐廳資料:
自家麵
長沙灣元州街303號元州商場地下G07號舖
21531018